الحوار بين امرأة زمان وزوجهاوإمرأة العصر الحديث وزوجها

إليكم هذا الحوار بين (امرأة أيام زمان وزوجها)

الزوج: - مرحبا يامرة… شو
عاملتينا عشا اليوم؟
الزوجة: - يه يه يه… تقبر عضامي… إجيت حبيبي؟!! تقبرني شو حركتك
خفيفة ومابتزعج حدا… لك حلّت البركة على أرض الديار يا روحي… طابختلك يالنجي وكبة
لبنية تقبشني

الزوج: - يا الله يالله بلا كثر غلبة، قومي حطي الأكل قومي
الزوجة: - لك إي مو تكرم ابن عمي… مو تكرم… لك من هال عين هَي قبل
هَي …

الزوج: - ناموا الأولاد؟

الزوجة من المطبخ: - ناموا حبيبي ناموا على عشية، وحمي تلك الحمام
يا عمري …

الزوج بعد أن يرى أصناف المائدة أمامه:
إيييييييييييييييييييييييه... باين السهرة رح تحلى اليوم…

يمضغ اللقمة الأولى ويقول: - ممممممممممممم طيبة هالكبة طيبة

الزوجة رافعة يدييها للسماء: - لك روح… ربي مولاي يبيضلك أيامك…
ويبعد عنك ولااااد الحرام يا حق ..

ينهي الزوج طعامه قائلاً: - الحمد للها لزوجة: - عجبك الأكل يا عمري

الزوج: - إي والله… تسلم إيديكي… تعبتك معي

الزوجة مرتبكة من الفرح: - عجبك الأكل؟؟!… لك تطلع على قبري شو
إنّك هني وبتعرف تحكي… لك تكفنّي بإيديك على هال كلام الحلو يا حق.. بكرة بدي
أعملّك محشي وبطاطا بالفرن إي بدك تاكل أصابيعك وراهن… بعدين شو تعبتني وما
تعبتني؟!… ليش أنا عندي غيرك بالدنيا يا حبيبي؟!!، لك تشكل آسي ياحق

الزوج وهو ينشّف يديه بعد غسلها: - جاهز الحمام يا مرة ؟؟

الزوجة بخجل… وبابتسامتها الحلوة : - ولَو تقبشني… ولَو!!!
وحطيطيلك صابونه غار من يللي جابتهم أمك تقبرني..

وإليكم هذا الحوار بين (إمرأة اليوم وزوجها)

الزوج: - مرحبا يا حلوة… شو عاملتينا عشا اليوم؟

الزوجة ملقحة على الكنبة وبيدها جريدة: - شو إيمتى جيت؟؟ مبكّر مو
على عادتك يعني… على كلٍ مجدرة عملتلك مجدرة برغل وعدس… شو بدي أطبخلك يعني؟! مو مبارح
أكلت لحمة بالصينية؟؟

الزوج: - يا الله تقبشيني، قومي حطيلنا الأكل لناكل

الزوجة: - ليكو الأكل عندك بالمطبخ… وين بدو يروح يعني؟؟!! كمان
بدي جبلك الأكل لحد عندك؟ !

الزوج باتجاهه إلى المطبخ: - ناموا الأولاد على حد علمك؟
الزوجة: إي شو نيّمهم هلأ وبكرة
عندهم عطلة؟؟؟

الزوج يحدث نفسه من المطبخ: العمى شو هالمجدرة؟
l

يمضغ اللقمة الأولى ويقول: - إي والله كأني عم آكل بحص مو برغل

الزوجة : - شو عم تبَروِت يا
رجال؟؟

ينهي الزوج طعامه قائلاً: آ…؟؟
مو شي حبيبتي… موشي

الزوجة: - عجبك الأكل؟ الزوج بإحباط: - إي طبعاً طبعاً… تسلم إيديكي
l
الزوجة بتأفف: - معناها كل يوم بعملك منها إذا حبيت

الزوج وهو ينشّف يديه: جاهز الحمام يا ترى؟؟
الزوجة ترمي الجريدة أرضاً
صارخة في وجهه: - العمى على هالقصة… طبختِ يامرة؟… ناموا الأولاد يامرة؟…جاهز الحمام يا مرة؟… إي شو أنا ما عندي شغل غيرك؟؟؟ ورصاص

المرة السورية الشعبية تأبرني شو مطيعا

ههههههههههههه

اما المرة العايشة في المدينة بتلها حمة شو ما أقل زوقها

والله لو انا كماانو برحلها على بيت ابوها وما بتلزمني هيك مرة

اي شو النسوان هادول اللي مدلعات
ههههههههه

على فكره بقولو النسوان الفافي (يعني المدلعات ) ما بعرفو يمسكو السكينة

!!!!

تحياااتي

هههههههههههههههههههه عاجبني تعليك
ميرسي الك

بالله عليكي عجبك

بس اوعك تفكري حالك منهم

على ما اظن هما احسن منك
:roll:
بالطبخ والنفخ والعجن
هههههههههههههههههههه

على فكرة مو لازم انا وانت نبقى على منتدى واحد لانو في الآخر ممكن يصير فيها دم وانا بعرفك مو هيك
خلينا مناح مع بعض وما نقعد نغلط بعرف انك م زوء كتــــــــــــــــــــــير ياأحلى سبرس
اوك
انا شطورة بالطبخ بس قصة النفخ ما مرت عليا شو يعني نفخ يافيلسوف عصرك

ههههههههههههههههههه

اختلاف كبير والله

ايام زمان كانو بفهمو فى الحب وبقدرو الزوجة

اما اليوم ولا حاجة

بس همو ينام ويوكل

ويوخد اللى بدو اياه

وبعد هيك كل واحد من عندو

ومشكوور الك يا ساندى على هالموضوع

تحياتى

علوووش

هههههههه

روقو يا جماعه

مووهيك

**
ساندي

موضوع في منتهى الروعه

تقبلي مني اوفى الردود

الا وهوة نبض قلمي

تقبل مروري

احترامي

اهاااااا الفرق كبير مشكورة ساندى على الطرح الجميل

تقبلى مرورى